吾新莊學老同學朋友當多比涯吾還細， 每儕福老話都『ㄌㄠˋ ㄌㄠˋ 叫』
因為渠兜在屋下、外背街路、市場肚長透講介就係福老話，渠兜全有該種介語言自信～
嗯哩客庄介外流人口乜當多，後生客在都市大體係國語摎福老兩大語言環境之下恬恬過日仔，都毋團結，自家過自家介，在外背跈人講福老話顛倒試著正常介! 家長根本毋會想教自家細人仔講客(因為渠兜試著在當地用毋著)，故所都市後生客還會講客正經斬滿珍貴!!!顛倒吾這下試著在大客庄底肚有心學講客介細人仔毋算多(毋知麽介原因@@?)
吾往擺轉去新竹關西、新埔聽國小、國中學生仔放尞打嘴古，有講客正有鬼吶!連阿公阿婆都跈後生猴仔講華語咧，故所客話在客庄消忒毋係無可能介……(雖然這情形吾毋中意(ToT))
毋過 正經愛轉到客庄(群聚力量)正有法度解決『語言環境』問題，雖然有心介人，毋論到哪都毋會攉忒客話，毋過有心介人像嗯哩好客棧社團介人，畢竟係『少數人』～
還有，愛人徙屋轉到客庄係一件無恁該介事，這牽涉盡多問題，像經濟發展、犖食介問題，嗯兜這下單淨先靠『心』來影響人，客人愛先團結，因為有『心』麽介問題就毋係問題～
沒有留言:
張貼留言