好客棧：客家話的知識傳播站: 2016

2016年8月17日星期三

可是老張，你的祖宗言不就失傳了？

[原文作者/Thai Boi-Nguyen]
我的同事老張，新竹客家人，他常以自己能流利使用三語（客、台、華語）自豪，他覺得客家人根本是語言天才，他常對我說：「像你學說客家話，就沒辦法像我台語可以說得這麼好。」我發現他手上經常拿著一本英語會話書，看來老張也在努力學英語。

有一次他念大學的兒子來台大找他，我發現他們父子對話都用華語，我問他：「誒？你們怎麼沒說客家話啊？」他說：「他不會說啊。」

「蛤！不會說，你沒教他喔？」我想起老張的老婆也是客家人。

「講『國語』就好啦，尤其現在是國際化的社會，我從小就送他去學英語，現在他的英語也說得很不錯喔！」

「可是老張，你的祖宗言不就失傳了！」

老張一時默然。

原文網址：
https://m.facebook.com/story.php?story_fbid=939196159523037&id=100002979852285

(後記：臉書原貼文底下網友的留言)
我想再宣導一下，即使小朋友從小講母語，但是一進幼稚園，就會把學校那套帶回家，會跟家長講國語。這個時候，家長就要警覺，就要用母語跟小朋友說 "你講國語我聽不懂，用母語再講一次"，小朋友就會再用母語。這樣堅持兩週，小朋友自然習慣回家就是要說母語，完全不費吹灰之力。
下一代不會說母語，一定是家長的問題，不能把問題推諉給別人。
等到文化傳承被斬斷，話語權被奪走，就都來不及了，不可不慎！

2016年8月1日星期一

涯摎阿婆

【原文作者：蔡博全】

(本文經原作者同意後轉載)

分享兩隻涯摎吾阿婆發生个生趣事情。

[ 之一]

涯阿婆食到今哩下九十零歲咧，身體乜(me)算康健，做得行做得爬；

目珠還係當金，還做得看ㄟ清楚。

淨係頭腦毋好就著咧，有時好有時壞，有時連涯个名就毋記得咧。

2016年3月27日星期日

金瓜石尋客蹤----江夏堂黃屋

【撰文/ Sally】2016.03.27

在網路上查看網友黃金十稜紀錄時候發現了寶物，那就是祖宗的祠堂。雖然祠堂是漢人民族共同的產物，不過現在建祠堂的以客家人居多。在客家人四處流串深根的今日，要知道客家人往哪裡走，找到祠堂見到客家人的機率八九不離十。

第一次去尋找這間祠堂未果，問金瓜石當地人大家也都想了一會兒之後搖搖頭說沒有印象。騎車經過小山路，左側有一大片墳墓，右側下方就是濱海公路，機車放慢速度，看見了左方有很多姓氏，其中有一個最吸引我，上面寫著: 廣東黃江夏，這一回更加確定是客家人的機率高達百分之99(應該吧?)。

回來後又特別對金瓜石_江夏堂進行查詢，發現了上去的方式，於是第二次又沿路重返，終於找到江夏堂。

過了濂新橋，兩隻狗對著我吠，江夏堂就在前方上坡的左側，祠堂屬新，近期才修建完成。看不見人出來，也不好意思闖入人家的家中恣意拍攝。於是就下了坡到附近的廟宇詢問。

先向廟前空地的人介紹我是海大的學生，對家族史有興趣，請問是否認識江夏堂，沒想到正巧，那位白髮中年男子豪爽的答應，我就是祠堂的主人，於是開啟了這一次的訪問。主人很殷勤的讓我在祠堂裡面拍照，並且約略述說祠堂的由來。

祠堂兩百多年，最近因為快要坍塌而進行修建，因五胡亂華祖先遷自福建南靖，有客家人的血統，主人為恭字輩，小時候奶奶都叫把恭念做kiung，主人覺得甚異，為何恭的閩南語發音為kiung，後來推測有可能是客語的念法。清代將建材船運來台灣深根發展，黃氏曾經是這一地區的大家族，後來人口外移，這裡只剩下幾戶。

以上為簡短的不專業訪查。

2016年2月14日星期日

【圖說中壢現勢 (7)】

《捷運摎客庄》

[Hsuan-Fu Wang編；客話腔頭: 四縣]

[HAKKA]
機場捷運去中壢火車頭方向个路段，經過个地方十足係客家庄(澗仔壢个興南庄、芝巴里庄、青埔庄)。對客家摎客話傳承來講，重要个毋係捷運有客話播音、抑係車站設計盡有客家味緒，實在係坐捷運个人客，客話曉得講著盡溜。

=========================

[Mandarin]
機場捷運往中壢火車站方向路段，所經過的地區屬於十足的客庄(中壢興南庄、芝巴里庄、青埔庄)。對客家、以及客語傳承來說，重要的並不是捷運採用客語播音、或是車站設計富有客家意涵，而是捷運的乘客能流利地活用客語。

【圖說中壢現勢 (6)】

《客庄个U-bike》

[Hsuan-Fu Wang編；客話腔頭: 四縣]

[HAKKA]
對今年年初U-bike入到桃園市行政區來，在中壢傳統客庄地區乜有分人贌腳踏車个地方。因爭本地人還毋係盡熟識仰般用交通IC卡贌腳踏車，故所會在中壢騎U-bike，算係一件當fashion个事情。摎U-bike最先在台北推行个樣式相像，時常出現騎腳踏車个人盡撳鈴仔愛行人閃避个無禮貌情形，希望騎腳踏車个人愛了解在徒步區相讓、再來乜毋係一騎著腳踏車就強強愛大家讓汝；這需要公眾宣傳摎本地人公民素質个覺醒，正做得分U-bike變作本地利便个交通工具。

=========================

[Mandarin]
今年年初U-bike進駐桃園市行政區以來，在中壢傳統客庄地區也有了租車據點。由於在地民眾尚不熟悉用交通IC卡租借腳踏車，因此會在中壢騎U-bike，算是一件相當時髦的事。和U-bike最初在台北推行的狀況相同，常出現腳踏車騎士不斷按車鈴催促行人閃避的不禮貌情形，希望腳踏車騎士能理解在徒步區需互相禮讓的道理、且並不是騎上腳踏車就要大家都得讓你；這有賴公眾宣導以及當地民眾公民素質的覺醒，才能讓U-bike成為在地便捷的交通工具。

【日本節目摎客家：好吃好玩日本人遊台灣】

[Hsuan-Fu Wang編；客話腔頭: 四縣]

這擺過年放尞在日本台看著个日本節目，堵好介紹著客家个粢粑摎擂茶(第二張本旦有出現擂茶說明个字幕，毋過一下去無攝著)；該兜日本人講，擂茶同日本个「抹茶」當相像，但是擂茶裡肚過多堅果(e.g., 番豆)，食起來還係無共樣。

做得利用旅遊節目來介紹客家文化，恁樣當好，大家可能知「米粉」个日文講法係ビーフン(bi-fun)、完全就係對福佬話个發音翻譯過來，表示日本人係透過福佬文化來認識「米粉」這個食物。毋知做得代表客家飲食文化个「粄」、「粢粑」、「擂茶」該兜，有機會用客話發音、來變做外國語言對客家食物个喊法無？假使做得，乜係一個當好个客家文化輸出。

【[大理面帕粄] 摎 [荷蘭豆粄]】

[Hsuan-Fu Wang編；客話腔頭: 四縣]

在安平鎮(平鎮)龍岡食著个「米干」，毋管係外觀抑係口味、就當像吾等个面帕粄，淨有油蔥摎青蔥代換作雞卵花湯頭个差別；另外「豌豆粉」像係九層粄共樣，毋過食起來毋係甜个定定。這兩種「粄」个名仔，毋知有渠等客話个講法無？

【新埔老街】

《粄條》

[Hsuan-Fu Wang編；客話腔頭: 四縣]

[HAKKA]
新埔老街裡肚係有名个粄條市街，每一家店面都有自家个家庭口味。大家做得來食看看、比較一下摎六堆「面帕粄」有麼个無共樣~

=========================

[Mandarin]
新埔老街是有名的粄條一級戰區，每一家店面都有屬於自己的家常口味。大家可以親嘗、比較看看和六堆的「面帕粄」有何異同~

【圖說中壢現勢 (5)】

《伙房(夥房)馬背施作名稱》

[Hsuan-Fu Wang編；客話腔頭: 四縣]

[HAKKA]
盡多客家專書在介紹伙房(夥房)馬背施作形式个時節，會講著金、木、水、火、土五種馬背施作種類。裡肚講著个「火形馬背」客話喊作「八角棟」、較常用在公廳摎廟屋頂个施作頂高項，同一般橫屋抑係其他伙房茶壺棟、三山棟施作方式無共樣。

=========================

[Mandarin]
諸多客家專書介紹合院馬背施作形式時，會提到金、木、水、火、土五種馬背施作種類。其中談到的「火形馬背」客語稱為「八角棟」、較常出現在客家伙房公廳與廟宇屋頂的施作之上，和普通合院建築的茶壺棟、三山棟施作方式不同。

2016年2月1日星期一

【圖說中壢現勢 (4)】

《老煙囪》

[Hsuan-Fu Wang編；客話腔頭: 四縣]

[HAKKA]
在安平鎮宋屋庄、老街溪脣个老煙囪，係本地產業个歷史代表，今晡日保存作安平鎮古蹟，乜係宋屋庄个地標。

=========================

[Mandarin]
在平鎮宋屋、老街溪畔老煙囪，代表著當地產業的歷史印記，今保存為平鎮古蹟，並為宋屋地標之一。

2016年1月17日星期日

【圖說中壢現勢 (3)】

《市都心水頭伯公》

[Hsuan-Fu Wang編；客話腔頭: 四縣]

[HAKKA]

伯公廟在庄下，一般係分作「田頭伯公」摎「水尾伯公」。這隻伯公廟遠眺安平鎮行政區裡肚个市民運動中心，係偎老街溪脣、在澗仔壢上游个「水頭伯公」，負責掌等入澗仔壢老街區、新街區、三座屋庄、興南庄个耕田水源；這下水源灌溉設施係分石門農田水利會負責。

=========================

[Mandarin]

庄內土地公廟一般分為「田頭伯公」和「水尾伯公」兩形式。此座土地公廟遠眺平鎮行政區內的市民運動中心，位於老街溪旁、在中壢都心上游的「水頭伯公」，負責守護進入中壢老街區、新街區、三座屋庄、興南庄的農業水源；現今該水源之灌溉設施由石門農田水利會所管理。

【圖說中壢現勢 (2)】

《伯公戲台--捷運旁水岸第一排》

[Hsuan-Fu Wang編；客話腔頭: 四縣]

[HAKKA]

汝一定看過伯公廟，毋過廟前還有伯公戲台个情形，可能過少見堵著。頭擺在伯公生該日，會做伯公戲分伯公欣賞，同時乜係庄下大細相爭看戲个鬧熱時節；一般來講，做伯公戲搭個棚仔就罅擺了，故所特別在伯公廟前起伯公戲台个情形過少見。經過老街溪整治過後，河壩脣口環境乜整理好勢，大家做得來機場捷運老街溪站邊脣(脣口有澗仔壢最高樓)、偎河壩个伯公廟摎渠个伯公戲台看看。

=========================

[Mandarin]

各位一定看過土地公廟，但廟前方還有土地公戲台的情形，或許較少見。以前在土地公誕辰那天，會演土地公戲給土地公欣賞，同時也是庄裡大小爭相欣賞戲劇的日子；一般而言，演土地公戲多半搭個臨時戲台而已，因此在土地公廟前建築一個戲台的情形相當少見。近年老街溪整治後，河岸環境也規劃十分完善，大家可以到位於機場捷運老街溪站旁(於中壢最高樓側邊)、緊鄰河岸的土地公廟及其戲台來欣賞。

【圖說中壢現勢 (1)】

《我家門前有小河、後面有捷運》

[Hsuan-Fu Wang編；客話腔頭: 四縣]

[HAKKA]

老街溪石頭公堵好在前面有河壩、後尾有捷運个位所，偎新民、元化路，到機場捷運老街溪站抑係環北站行路大約5分鐘就到了。石頭公客話乜喊作石牯、石爺，同時可能有「石娘」个喊法，共樣係對大自然个崇拜。

=========================

[Mandarin]

老街溪石頭公正好位於前面有小河、後面有捷運的地段，靠近新民、元化路，走路約略5分鐘即可抵達機場捷運老捷溪站或環北站。石頭公客語也稱作石牯、石爺，同時亦可能有「石娘」的稱法，皆為對大自然崇拜之信仰。

2016年1月8日星期五

用客語讀漢詩(四縣腔)

【山寺隤墜有見】

sanˊ sii tuiˇ cui iuˊ gien

諸法原空相，嗔痴繞望迴。

zuˊ fabˋ gieˊ kungˊ xiong，ciinˊ ciiˊ ngieuˋ mong fiˇ。

山貧麋鹿遠，寺廢鼠狐來。

sanˊ pinˇ miˇ lug ienˋ，sii fi cuˋ fuˇ loiˇ。

屋墜無完瓦，樑傾有棄材。

vugˋ cui vuˇ vanˇ ngaˋ，liongˇ qin iuˊ hi coiˇ。

僧尼徒禮佛，莫淨劫餘灰。

senˊ niˇ tuˊ liˊ fud，mog qiang giabˋ iˇ foiˊ。

2016年1月3日星期日

【台灣新窗門--鏈結全世界】

《日本新型高速鐵路》

[Hsuan-Fu Wang編；客話腔頭: 四縣]

「東海道高速鐵路」最先載人客開始，火車速度對每點鐘200公里、發展到哩滿每點鐘350公里。日本鐵路公司(JR)研究新型个「嗋浮列車」，預定2045年正式開業。「嗋浮列車」係用「電嗋石」个磁場原理，做得摎火車速度增加到每點鐘500公里；到時節，對東京坐火車到大阪，淨愛花點零鐘就罅擺了，係鐵路運輸技術个盡大進步。(台北→高雄半點鐘)

除忒日本外，德國「西門子」公司、加拿大[gaˇ na daˋ]摎法國乜有開發高速鐵路技術，這下中國用較低个成本、加落來鐵路外銷生理裡肚，下二擺高速鐵路个技術競爭會越來越強。

新聞參考：

http://www.asahi.com/articles/ASGD9034FGD8OIPE031.html

【圖說六堆現勢 (18)—系列完畢】

《老屋》

[Hsuan-Fu Wang編；客話腔頭: 四縣]

[HAKKA]
六堆客庄盡多屙忒个伙房(夥房)，裡肚在台鐵電氣化高架路橋脣口个陳屋「穎川堂」，屋頂瓦片全部屙下了、淨剩壁頭骨架个意象，分人不禁唏噓本地客庄風貌个變化。

=========================

[Mandarin]
六堆客家庄許多頹圮的合院建築，其中在台鐵電氣化高架路橋旁的陳氏「穎川堂」，屋頂瓦片皆已塌下、僅剩下牆垣骨架的意象，讓人不禁唏噓在地客家庄風貌的變遷。

【圖說六堆現勢 (17)】

《六堆庄廟信仰》

[Hsuan-Fu Wang編；客話腔頭: 四縣]

[HAKKA]
六堆客庄時行个庄廟信仰有兩種：(1)三太子(毋係三山國王抑係三官大帝)；(2)神農氏。裡背淨拜神農氏(炎帝)、盡少看著拜皇帝，係毋係表示客家族群其實係「炎帝子孫」、毋係頭擺所認為个「炎黃子孫」呢？

=========================

[Mandarin]
六堆客家庄普遍的庄廟信仰有兩種：(1)三太子(非三山國王或三官大帝)；(2)神農氏。其中只敬拜神農氏(炎帝)、鮮少見到拜皇帝，是否隱含客家族群是為「炎帝子孫」、而非過去所認知的「炎黃子孫」呢？

【圖說六堆現勢 (16)】

《伙房(夥房)第一進牌匾題字》

[Hsuan-Fu Wang編；客話腔頭: 四縣]

[HAKKA]
摎公廳「堂號」个制式化相比，伙房(夥房)第一進門口頂高个牌匾題字，可能有家族表徵摎文風創作、特別有意義，裡肚盡多牌匾文字內容係帶等歷史意涵个。希望大家共下分享生趣个伙房(夥房)第一進牌匾題字。

=========================

[Mandarin]
相對於公廳「堂號」的制式化，合院第一進入口上方的牌匾題字，或許富含家族表徵與文風創作、別具意義，其中許多牌匾文字內容是帶有歷史意涵的。希望大家也能分享有趣的合院第一進牌匾題字。

【圖說六堆現勢 (15)】

《老頭擺風采—中堆(竹田)新北勢老街巡禮》

[Hsuan-Fu Wang編；客話腔頭: 四縣]

[HAKKA]
摎北部南庄老街、內灣老街還有湖口老街相比，六堆地區老街盡像較無麼个有名。中堆(竹田)新北勢老街係對三山國王廟作當央，對等寬闊街道个街屋(客話喊作手巾寮)盡有特色，裡肚有巴洛克西洋風格个老屋(鍾家)，乜係老街參觀个重點。希望本地政府做得摎振興本地客家觀光同文化經濟作主要，摎老街規劃作盡有歷史趣味个景點。

=========================

[Mandarin]
相對於北部南庄老街、內灣老街以及湖口老街，六堆地區老街似乎較不知名。竹田鄉新北勢老街以三山國王廟為中心，面對寬敞街道所形成的街屋(手巾寮)別具特色，其中富含巴洛克西洋風格的老屋(鍾家)，亦為老街巡禮的重點。希望當地政府能以振興當地客家觀光與文化經濟為主軸，將老街規劃為具有歷史趣味的景點。

【圖說六堆現勢 (14)】

《客語公事化—六堆文化園區》

[Hsuan-Fu Wang編；客話腔頭: 四縣]

點評：六堆客家文化園區(X)；六堆福佬話文化園區(O)

[HAKKA]
「客家」變作形容詞个時節、客話無辦法在公領域時行、客家文化擳入博物館，嘎客家早就變啊歷史个過往了。這擺拜訪六堆文化園區，除忒入口有「客家」題字、園肚花啦嗶啵个花布詐意作客家意象之外，歸隻園區滿係福佬話摎華語交雜个環境，實在感受毋著麼个客家氣氛。尤其係筆者摎以下服務人員對談个結果：

(1) 服務中心人員A
筆者：請問民眾辦公有用著客話个需要時節，這片會提供客話服務抑係「公事客語」告示嗎？
服務人員A：民眾假使有用著客話个需要，服務人員都做得用客話對談。
[點評：在遊客中心抑係辦公場所，服務人員對客話公事化意識較高、乜較有客話能力]

(2) 志工B (中年婦人家)
筆者：請問一下，這片志工愛仰般報名？(客語)
志工B：？？
筆者：志工，請問志工要怎麼報名？(國語)
志工B：(這時節最尾聽識筆者个話語，之後兩片都用華語交談)
[點評：毋管聽、說，志工客話能力不罅擺]

(3) 志工C (中老年男仔人，渠摎人客緊用福佬話交談，分筆者摎渠對談个興趣)
筆者：吾看汝講福佬，這片來參觀个，盡像福佬人較多？(客語)
志工C：福佬人乜做得來了解客家文化啊。(客語)
筆者：嘎有想過客話乜係客家文化，有想愛摎福佬人推廣客話無？(客語)
志工C：這下客家人盡少了，無到400萬吧。(這時節有人客用福佬話喊該隻志工，志工C就過去用福佬話服務人客了)
[點評：非客家族群來六堆園區用華語抑係福佬話係個人个自由，毋過客家人自身對公領域講客个退縮態度，正係客話緊衰敗个原因。有人認為客家人盡齧察，其實講到十分傳神，因為：(1)客家人齧察到毋肯在屋下摎細人講客，結果客話失傳；(2)客家人齧察到毋肯摎非客家族群講客，結果分非客家族群誤認無在公領域講客个必要、進一步有把扼自封「福佬話」作「台灣話」，過分客家人自食惡果。盡多在台灣个日本餐廳，不管人客聽亦識日本話無、全部先用いらっしゃいませ打招呼、最尾再用華語服務；六堆文化園區乜做得考慮用這種服務方式，不管人客係麼儕，全部先用客話摎人客相借問、再用華語抑係客話服務人客，分人客無形裡肚聽習慣客話、增加對客話認同感同客話公事化程度。這時節需要客家主體意識个加入，無就會遷就非客家族群个需求去講華語抑係福佬話，嘎連在六堆園區還愛等到哪時正有客話公共化个機會呢？共勉之]

=========================

[Mandarin]
當「客家」成為形容詞、客語無法於公領域流行、客家文化丟進博物館，那麼客家早已成為歷史過往了。本次造訪六堆文化園區，除了入口有「客家」題字、園內花花綠綠的花布偽裝成客家意象之外，整園充滿閩南話和國語交雜的環境，實在感受不到任何客家氛圍。尤其是筆者與以下服務人員對談結果：

(1) 服務中心人員A
筆者：請問當民眾洽公有使用客語的需求時，這裡會提供客語服務或「公事客語」告示嗎？
服務人員A：民眾如有使用客語需求，服務人員都能以客語對談。
[點評：在遊客中心或辦公場域，服務人員對於客語公事化意識較高、也具備有客語能力]

(2) 志工B (中年婦女)
筆者：請問一下，這片志工愛仰般報名？(客語)
志工B：？？
筆者：志工，請問志工要怎麼報名？(國語)
志工B：(此時終於聽懂筆者的話語，其後雙方皆用國語交談)
[點評：無論聽、說，志工客語能力不足]

(3) 志工C (中老年男子，其與遊客不斷以閩南話交談引起筆者與之對談興趣)
筆者：吾看汝講福佬，這片來參觀个，盡像福佬人較多？(客語)
志工C：福佬人乜做得來了解客家文化啊。(客語)
筆者：嘎有想過客話乜係客家文化，有想愛摎福佬人推廣客話無？(客語)
志工C：這下客家人盡少了，無到400萬吧。(此時有遊客以閩南話呼叫該名志工，志工C便過去以閩南話服務遊客了)
[點評：非客家族群來六堆園區使用國語或閩南話是個人自由，但客家人自身對於公領域使用客語的退縮態度，才是客語不斷衰敗之關鍵。有人認為客家人很小氣，其實說得十分傳神，因為：(1)客家人小氣到不願意在家中和子女講客語，以致客語失傳；(2)客家人小氣到不願意和非客家族群講客語，以致被非客家族群誤認沒有在公領域使用客語的必要、進而有把握自封「閩南話」為「台語」，使客家人自食惡果。許多在台灣的日式餐飲店，無論顧客懂不懂日語、一慮先用いらっしゃいませ招呼客人、其後再以國語服務；六堆文化園區或許可考慮採取此服務方式，無論訪客是何人，一慮先用客語和遊客打招呼、再用國語或客語服務民眾，讓遊客無形中聽習慣客語、提高對客語認同感以及客語公事化程度。此需要客家主體意識的維持，否則容易遷就非客家族群的需求而使用國語或閩南話，那麼連在六堆園區還要等到何時才有客語公共化的機會呢？共勉之]

【圖說六堆現勢 (13)】

《客語公事化—竹田鄉農會》

[Hsuan-Fu Wang編；客話腔頭: 四縣]

[HAKKA]
竹田鄉農會哩滿个位所本旦係華南銀行竹田分行，在幾下年前到該分行時節，發現櫃檯頂高有告示牌「本行推行公共客語，請閩南人多包涵」个文字內容，實在係私人單位推行公事客語个最好範例；毋過在客庄、抑係客家人之間講客係天經地義个事情，實在毋使對福佬人感到壞勢，過加分非客家族群了解客話，乜做得增加族群之間个認識。這下該分行已經徙到內埔，這擺較打爽、無機會進一步了解該單位推行公事客話个效果。哩滿在竹田鄉農會辦事，大部分聽著係華語較多，期望本地人用客話辦事，乜做得有客語往來个服務。

=========================

[Mandarin]
竹田鄉農會現址原為華南銀行竹田分行，在數年前筆者至該分行時，發現櫃檯上有告示牌「本行推行公共客語，請閩南人多包涵」之類的文字內容，實為私人機構推行公事客語的最佳典範；但在客家庄、或是客家人之間講客語是天經地義的事情，似乎不必對閩南人感到抱歉，且讓非客家族群了解客語，亦可增加族群間認識。目前該分行已遷至內埔，本次較為可惜、沒機會進一步了解該單位推行公事客語的成效。目前於竹田鄉農會洽公，多半聽到國語為主，期望在地民眾如以客語洽公，亦能獲得客語往來的服務。

【圖說六堆現勢 (12)】

《客語公事化—竹田驛站》

[Hsuan-Fu Wang編；客話腔頭: 四縣]

[HAKKA]
在竹田火車站前面、舊車站裡肚个「竹田驛站」，這下係竹田社區發展協會振興本地文化、經濟个重要據點。組織志工多係附近居民參加，過做得用流利个客話摎大家打嘴鼓，充分表現客話公事化。有機會來中堆(竹田)頓物庄定著愛來拜訪!!

=========================

[Mandarin]
在竹田火車站前、舊車站站體內的「竹田驛站」，現今為竹田社區發展協會振興當地文化、經濟的重要據點。組織志工多為附近居民所參與，且皆能以流利客語對談，充分體現客語公事化。有機會來竹田務必造訪!!

【圖說六堆現勢 (11)】

《六堆伯公》

[Hsuan-Fu Wang編；客話腔頭: 四縣]

[HAKKA]
伯公在六堆庄下係普遍个信仰。因為種類摎數量忒多，淨記錄楊屋角摎附近个伯公廟，希望做得拋磚引玉、分大家共下分享各地有特色个伯公廟。

=========================

[Mandarin]
土地公(伯公)在六堆客家庄是普遍信仰。由於種類和數量眾多，僅記錄竹田楊屋角及周邊的土地公廟，希望能拋磚引玉、讓大家一起分享各地特色土地公廟。

【圖說六堆現勢 (10)】

《新式經濟作物》

[Hsuan-Fu Wang編；客話腔頭: 四縣]

[HAKKA]
在農村經濟衰弱之後，因為勞動人口老化、主要改種檳榔。這下除忒農會輔導在檳榔樹底下種咖啡之外，乜有私人成功種可可，充分利用六堆熱帶氣候發展新式个經濟作物。

=========================

[Mandarin]
在農村經濟衰弱後，由於勞動人口老化、改以種植檳榔為主。目前除了農會輔導於檳榔樹下種植咖啡外，亦有私人成功種植可可，充分利用六堆熱帶氣候發展新式經濟作物。

【圖說六堆現勢 (9)】

《中堆(竹田)鐵路交通設施》

[Hsuan-Fu Wang編；客話腔頭: 四縣]

[HAKKA]
台鐵正起好个屏東—潮州鐵路兩軌高架電氣化工程，在中堆(竹田)裡肚有兩隻火車站，這隻建設對人口徙走、較欠公共設施个中堆(竹田)來講，確實係盡大个幫助。西勢庄个西勢火車站本旦淨停柴油區間車，在鐵路電氣化之後不單只停新式電聯車、過增加部分自強號入站，火車車枋加過多；頓物庄个竹田火車站對原來廢站狀態，在這次工程肚新起高架化站體，加入來西部縱貫線運輸行列。兩隻火車站乜做得用悠遊卡直接入出站，加過利便。

=========================

[Mandarin]
台鐵甫完成的屏東—潮州鐵路雙軌高架電氣化工程，於竹田鄉境內有兩座車站，此建設對人口外移、缺乏公共設施的竹田鄉而言，確實為極大助益。西勢火車站原僅停靠柴油區間車，在鐵路電氣化後不僅停靠新式電聯車、且增加部分自強號進站，火車班次更增頻繁；竹田火車站從原本廢站狀態，於此次工程新建高架化站體，加入西部縱貫線運輸行列。兩座火車站亦可用悠遊卡直接進出站，提升利用便利性。