好客棧：客家話的知識傳播站: 1月 2016

2016年1月17日星期日

【圖說中壢現勢 (3)】

《市都心水頭伯公》

[Hsuan-Fu Wang編；客話腔頭: 四縣]

[HAKKA]

伯公廟在庄下，一般係分作「田頭伯公」摎「水尾伯公」。這隻伯公廟遠眺安平鎮行政區裡肚个市民運動中心，係偎老街溪脣、在澗仔壢上游个「水頭伯公」，負責掌等入澗仔壢老街區、新街區、三座屋庄、興南庄个耕田水源；這下水源灌溉設施係分石門農田水利會負責。

=========================

[Mandarin]

庄內土地公廟一般分為「田頭伯公」和「水尾伯公」兩形式。此座土地公廟遠眺平鎮行政區內的市民運動中心，位於老街溪旁、在中壢都心上游的「水頭伯公」，負責守護進入中壢老街區、新街區、三座屋庄、興南庄的農業水源；現今該水源之灌溉設施由石門農田水利會所管理。

【圖說中壢現勢 (2)】

《伯公戲台--捷運旁水岸第一排》

[Hsuan-Fu Wang編；客話腔頭: 四縣]

[HAKKA]

汝一定看過伯公廟，毋過廟前還有伯公戲台个情形，可能過少見堵著。頭擺在伯公生該日，會做伯公戲分伯公欣賞，同時乜係庄下大細相爭看戲个鬧熱時節；一般來講，做伯公戲搭個棚仔就罅擺了，故所特別在伯公廟前起伯公戲台个情形過少見。經過老街溪整治過後，河壩脣口環境乜整理好勢，大家做得來機場捷運老街溪站邊脣(脣口有澗仔壢最高樓)、偎河壩个伯公廟摎渠个伯公戲台看看。

=========================

[Mandarin]

各位一定看過土地公廟，但廟前方還有土地公戲台的情形，或許較少見。以前在土地公誕辰那天，會演土地公戲給土地公欣賞，同時也是庄裡大小爭相欣賞戲劇的日子；一般而言，演土地公戲多半搭個臨時戲台而已，因此在土地公廟前建築一個戲台的情形相當少見。近年老街溪整治後，河岸環境也規劃十分完善，大家可以到位於機場捷運老街溪站旁(於中壢最高樓側邊)、緊鄰河岸的土地公廟及其戲台來欣賞。

【圖說中壢現勢 (1)】

《我家門前有小河、後面有捷運》

[Hsuan-Fu Wang編；客話腔頭: 四縣]

[HAKKA]

老街溪石頭公堵好在前面有河壩、後尾有捷運个位所，偎新民、元化路，到機場捷運老街溪站抑係環北站行路大約5分鐘就到了。石頭公客話乜喊作石牯、石爺，同時可能有「石娘」个喊法，共樣係對大自然个崇拜。

=========================

[Mandarin]

老街溪石頭公正好位於前面有小河、後面有捷運的地段，靠近新民、元化路，走路約略5分鐘即可抵達機場捷運老捷溪站或環北站。石頭公客語也稱作石牯、石爺，同時亦可能有「石娘」的稱法，皆為對大自然崇拜之信仰。

2016年1月8日星期五

【山寺隤墜有見】

sanˊ sii tuiˇ cui iuˊ gien

諸法原空相，嗔痴繞望迴。

zuˊ fabˋ gieˊ kungˊ xiong，ciinˊ ciiˊ ngieuˋ mong fiˇ。

山貧麋鹿遠，寺廢鼠狐來。

sanˊ pinˇ miˇ lug ienˋ，sii fi cuˋ fuˇ loiˇ。

屋墜無完瓦，樑傾有棄材。

vugˋ cui vuˇ vanˇ ngaˋ，liongˇ qin iuˊ hi coiˇ。

僧尼徒禮佛，莫淨劫餘灰。

senˊ niˇ tuˊ liˊ fud，mog qiang giabˋ iˇ foiˊ。

2016年1月3日星期日

【台灣新窗門--鏈結全世界】

《日本新型高速鐵路》

[Hsuan-Fu Wang編；客話腔頭: 四縣]

「東海道高速鐵路」最先載人客開始，火車速度對每點鐘200公里、發展到哩滿每點鐘350公里。日本鐵路公司(JR)研究新型个「嗋浮列車」，預定2045年正式開業。「嗋浮列車」係用「電嗋石」个磁場原理，做得摎火車速度增加到每點鐘500公里；到時節，對東京坐火車到大阪，淨愛花點零鐘就罅擺了，係鐵路運輸技術个盡大進步。(台北→高雄半點鐘)

除忒日本外，德國「西門子」公司、加拿大[gaˇ na daˋ]摎法國乜有開發高速鐵路技術，這下中國用較低个成本、加落來鐵路外銷生理裡肚，下二擺高速鐵路个技術競爭會越來越強。

新聞參考：

http://www.asahi.com/articles/ASGD9034FGD8OIPE031.html

【圖說六堆現勢 (18)—系列完畢】

《老屋》

[Hsuan-Fu Wang編；客話腔頭: 四縣]

[HAKKA]
六堆客庄盡多屙忒个伙房(夥房)，裡肚在台鐵電氣化高架路橋脣口个陳屋「穎川堂」，屋頂瓦片全部屙下了、淨剩壁頭骨架个意象，分人不禁唏噓本地客庄風貌个變化。

=========================

[Mandarin]
六堆客家庄許多頹圮的合院建築，其中在台鐵電氣化高架路橋旁的陳氏「穎川堂」，屋頂瓦片皆已塌下、僅剩下牆垣骨架的意象，讓人不禁唏噓在地客家庄風貌的變遷。

【圖說六堆現勢 (17)】

《六堆庄廟信仰》

[Hsuan-Fu Wang編；客話腔頭: 四縣]

[HAKKA]
六堆客庄時行个庄廟信仰有兩種：(1)三太子(毋係三山國王抑係三官大帝)；(2)神農氏。裡背淨拜神農氏(炎帝)、盡少看著拜皇帝，係毋係表示客家族群其實係「炎帝子孫」、毋係頭擺所認為个「炎黃子孫」呢？

=========================

[Mandarin]
六堆客家庄普遍的庄廟信仰有兩種：(1)三太子(非三山國王或三官大帝)；(2)神農氏。其中只敬拜神農氏(炎帝)、鮮少見到拜皇帝，是否隱含客家族群是為「炎帝子孫」、而非過去所認知的「炎黃子孫」呢？

【圖說六堆現勢 (16)】

《伙房(夥房)第一進牌匾題字》

[Hsuan-Fu Wang編；客話腔頭: 四縣]

[HAKKA]
摎公廳「堂號」个制式化相比，伙房(夥房)第一進門口頂高个牌匾題字，可能有家族表徵摎文風創作、特別有意義，裡肚盡多牌匾文字內容係帶等歷史意涵个。希望大家共下分享生趣个伙房(夥房)第一進牌匾題字。

=========================

[Mandarin]
相對於公廳「堂號」的制式化，合院第一進入口上方的牌匾題字，或許富含家族表徵與文風創作、別具意義，其中許多牌匾文字內容是帶有歷史意涵的。希望大家也能分享有趣的合院第一進牌匾題字。

【圖說六堆現勢 (15)】

《老頭擺風采—中堆(竹田)新北勢老街巡禮》

[Hsuan-Fu Wang編；客話腔頭: 四縣]

[HAKKA]
摎北部南庄老街、內灣老街還有湖口老街相比，六堆地區老街盡像較無麼个有名。中堆(竹田)新北勢老街係對三山國王廟作當央，對等寬闊街道个街屋(客話喊作手巾寮)盡有特色，裡肚有巴洛克西洋風格个老屋(鍾家)，乜係老街參觀个重點。希望本地政府做得摎振興本地客家觀光同文化經濟作主要，摎老街規劃作盡有歷史趣味个景點。

=========================

[Mandarin]
相對於北部南庄老街、內灣老街以及湖口老街，六堆地區老街似乎較不知名。竹田鄉新北勢老街以三山國王廟為中心，面對寬敞街道所形成的街屋(手巾寮)別具特色，其中富含巴洛克西洋風格的老屋(鍾家)，亦為老街巡禮的重點。希望當地政府能以振興當地客家觀光與文化經濟為主軸，將老街規劃為具有歷史趣味的景點。

【圖說六堆現勢 (14)】

《客語公事化—六堆文化園區》

[Hsuan-Fu Wang編；客話腔頭: 四縣]

點評：六堆客家文化園區(X)；六堆福佬話文化園區(O)

[HAKKA]
「客家」變作形容詞个時節、客話無辦法在公領域時行、客家文化擳入博物館，嘎客家早就變啊歷史个過往了。這擺拜訪六堆文化園區，除忒入口有「客家」題字、園肚花啦嗶啵个花布詐意作客家意象之外，歸隻園區滿係福佬話摎華語交雜个環境，實在感受毋著麼个客家氣氛。尤其係筆者摎以下服務人員對談个結果：

(1) 服務中心人員A
筆者：請問民眾辦公有用著客話个需要時節，這片會提供客話服務抑係「公事客語」告示嗎？
服務人員A：民眾假使有用著客話个需要，服務人員都做得用客話對談。
[點評：在遊客中心抑係辦公場所，服務人員對客話公事化意識較高、乜較有客話能力]

(2) 志工B (中年婦人家)
筆者：請問一下，這片志工愛仰般報名？(客語)
志工B：？？
筆者：志工，請問志工要怎麼報名？(國語)
志工B：(這時節最尾聽識筆者个話語，之後兩片都用華語交談)
[點評：毋管聽、說，志工客話能力不罅擺]

(3) 志工C (中老年男仔人，渠摎人客緊用福佬話交談，分筆者摎渠對談个興趣)
筆者：吾看汝講福佬，這片來參觀个，盡像福佬人較多？(客語)
志工C：福佬人乜做得來了解客家文化啊。(客語)
筆者：嘎有想過客話乜係客家文化，有想愛摎福佬人推廣客話無？(客語)
志工C：這下客家人盡少了，無到400萬吧。(這時節有人客用福佬話喊該隻志工，志工C就過去用福佬話服務人客了)
[點評：非客家族群來六堆園區用華語抑係福佬話係個人个自由，毋過客家人自身對公領域講客个退縮態度，正係客話緊衰敗个原因。有人認為客家人盡齧察，其實講到十分傳神，因為：(1)客家人齧察到毋肯在屋下摎細人講客，結果客話失傳；(2)客家人齧察到毋肯摎非客家族群講客，結果分非客家族群誤認無在公領域講客个必要、進一步有把扼自封「福佬話」作「台灣話」，過分客家人自食惡果。盡多在台灣个日本餐廳，不管人客聽亦識日本話無、全部先用いらっしゃいませ打招呼、最尾再用華語服務；六堆文化園區乜做得考慮用這種服務方式，不管人客係麼儕，全部先用客話摎人客相借問、再用華語抑係客話服務人客，分人客無形裡肚聽習慣客話、增加對客話認同感同客話公事化程度。這時節需要客家主體意識个加入，無就會遷就非客家族群个需求去講華語抑係福佬話，嘎連在六堆園區還愛等到哪時正有客話公共化个機會呢？共勉之]

=========================

[Mandarin]
當「客家」成為形容詞、客語無法於公領域流行、客家文化丟進博物館，那麼客家早已成為歷史過往了。本次造訪六堆文化園區，除了入口有「客家」題字、園內花花綠綠的花布偽裝成客家意象之外，整園充滿閩南話和國語交雜的環境，實在感受不到任何客家氛圍。尤其是筆者與以下服務人員對談結果：

(1) 服務中心人員A
筆者：請問當民眾洽公有使用客語的需求時，這裡會提供客語服務或「公事客語」告示嗎？
服務人員A：民眾如有使用客語需求，服務人員都能以客語對談。
[點評：在遊客中心或辦公場域，服務人員對於客語公事化意識較高、也具備有客語能力]

(2) 志工B (中年婦女)
筆者：請問一下，這片志工愛仰般報名？(客語)
志工B：？？
筆者：志工，請問志工要怎麼報名？(國語)
志工B：(此時終於聽懂筆者的話語，其後雙方皆用國語交談)
[點評：無論聽、說，志工客語能力不足]

(3) 志工C (中老年男子，其與遊客不斷以閩南話交談引起筆者與之對談興趣)
筆者：吾看汝講福佬，這片來參觀个，盡像福佬人較多？(客語)
志工C：福佬人乜做得來了解客家文化啊。(客語)
筆者：嘎有想過客話乜係客家文化，有想愛摎福佬人推廣客話無？(客語)
志工C：這下客家人盡少了，無到400萬吧。(此時有遊客以閩南話呼叫該名志工，志工C便過去以閩南話服務遊客了)
[點評：非客家族群來六堆園區使用國語或閩南話是個人自由，但客家人自身對於公領域使用客語的退縮態度，才是客語不斷衰敗之關鍵。有人認為客家人很小氣，其實說得十分傳神，因為：(1)客家人小氣到不願意在家中和子女講客語，以致客語失傳；(2)客家人小氣到不願意和非客家族群講客語，以致被非客家族群誤認沒有在公領域使用客語的必要、進而有把握自封「閩南話」為「台語」，使客家人自食惡果。許多在台灣的日式餐飲店，無論顧客懂不懂日語、一慮先用いらっしゃいませ招呼客人、其後再以國語服務；六堆文化園區或許可考慮採取此服務方式，無論訪客是何人，一慮先用客語和遊客打招呼、再用國語或客語服務民眾，讓遊客無形中聽習慣客語、提高對客語認同感以及客語公事化程度。此需要客家主體意識的維持，否則容易遷就非客家族群的需求而使用國語或閩南話，那麼連在六堆園區還要等到何時才有客語公共化的機會呢？共勉之]

【圖說六堆現勢 (13)】

《客語公事化—竹田鄉農會》

[Hsuan-Fu Wang編；客話腔頭: 四縣]

[HAKKA]
竹田鄉農會哩滿个位所本旦係華南銀行竹田分行，在幾下年前到該分行時節，發現櫃檯頂高有告示牌「本行推行公共客語，請閩南人多包涵」个文字內容，實在係私人單位推行公事客語个最好範例；毋過在客庄、抑係客家人之間講客係天經地義个事情，實在毋使對福佬人感到壞勢，過加分非客家族群了解客話，乜做得增加族群之間个認識。這下該分行已經徙到內埔，這擺較打爽、無機會進一步了解該單位推行公事客話个效果。哩滿在竹田鄉農會辦事，大部分聽著係華語較多，期望本地人用客話辦事，乜做得有客語往來个服務。

=========================

[Mandarin]
竹田鄉農會現址原為華南銀行竹田分行，在數年前筆者至該分行時，發現櫃檯上有告示牌「本行推行公共客語，請閩南人多包涵」之類的文字內容，實為私人機構推行公事客語的最佳典範；但在客家庄、或是客家人之間講客語是天經地義的事情，似乎不必對閩南人感到抱歉，且讓非客家族群了解客語，亦可增加族群間認識。目前該分行已遷至內埔，本次較為可惜、沒機會進一步了解該單位推行公事客語的成效。目前於竹田鄉農會洽公，多半聽到國語為主，期望在地民眾如以客語洽公，亦能獲得客語往來的服務。

【圖說六堆現勢 (12)】

《客語公事化—竹田驛站》

[Hsuan-Fu Wang編；客話腔頭: 四縣]

[HAKKA]
在竹田火車站前面、舊車站裡肚个「竹田驛站」，這下係竹田社區發展協會振興本地文化、經濟个重要據點。組織志工多係附近居民參加，過做得用流利个客話摎大家打嘴鼓，充分表現客話公事化。有機會來中堆(竹田)頓物庄定著愛來拜訪!!

=========================

[Mandarin]
在竹田火車站前、舊車站站體內的「竹田驛站」，現今為竹田社區發展協會振興當地文化、經濟的重要據點。組織志工多為附近居民所參與，且皆能以流利客語對談，充分體現客語公事化。有機會來竹田務必造訪!!

【圖說六堆現勢 (11)】

《六堆伯公》

[Hsuan-Fu Wang編；客話腔頭: 四縣]

[HAKKA]
伯公在六堆庄下係普遍个信仰。因為種類摎數量忒多，淨記錄楊屋角摎附近个伯公廟，希望做得拋磚引玉、分大家共下分享各地有特色个伯公廟。

=========================

[Mandarin]
土地公(伯公)在六堆客家庄是普遍信仰。由於種類和數量眾多，僅記錄竹田楊屋角及周邊的土地公廟，希望能拋磚引玉、讓大家一起分享各地特色土地公廟。

【圖說六堆現勢 (10)】

《新式經濟作物》

[Hsuan-Fu Wang編；客話腔頭: 四縣]

[HAKKA]
在農村經濟衰弱之後，因為勞動人口老化、主要改種檳榔。這下除忒農會輔導在檳榔樹底下種咖啡之外，乜有私人成功種可可，充分利用六堆熱帶氣候發展新式个經濟作物。

=========================

[Mandarin]
在農村經濟衰弱後，由於勞動人口老化、改以種植檳榔為主。目前除了農會輔導於檳榔樹下種植咖啡外，亦有私人成功種植可可，充分利用六堆熱帶氣候發展新式經濟作物。

【圖說六堆現勢 (9)】

《中堆(竹田)鐵路交通設施》

[Hsuan-Fu Wang編；客話腔頭: 四縣]

[HAKKA]
台鐵正起好个屏東—潮州鐵路兩軌高架電氣化工程，在中堆(竹田)裡肚有兩隻火車站，這隻建設對人口徙走、較欠公共設施个中堆(竹田)來講，確實係盡大个幫助。西勢庄个西勢火車站本旦淨停柴油區間車，在鐵路電氣化之後不單只停新式電聯車、過增加部分自強號入站，火車車枋加過多；頓物庄个竹田火車站對原來廢站狀態，在這次工程肚新起高架化站體，加入來西部縱貫線運輸行列。兩隻火車站乜做得用悠遊卡直接入出站，加過利便。

=========================

[Mandarin]
台鐵甫完成的屏東—潮州鐵路雙軌高架電氣化工程，於竹田鄉境內有兩座車站，此建設對人口外移、缺乏公共設施的竹田鄉而言，確實為極大助益。西勢火車站原僅停靠柴油區間車，在鐵路電氣化後不僅停靠新式電聯車、且增加部分自強號進站，火車班次更增頻繁；竹田火車站從原本廢站狀態，於此次工程新建高架化站體，加入西部縱貫線運輸行列。兩座火車站亦可用悠遊卡直接進出站，提升利用便利性。

【圖說六堆現勢 (8)】

《中堆(竹田)特色伙房(夥房)介紹》

[Hsuan-Fu Wang編；客話腔頭: 四縣]

[HAKKA]
中堆(竹田)竹頭角庄下，係陳屋「穎川堂」作中心對外起屋形成个。該穎川堂算二進式(北部喊作雙堂屋)「日字型」伙房，因爭陳屋家族多人科舉榜上有名，係當地學風鼎盛个有名特色伙房。

=========================

[Mandarin]
中堆(竹田)竹頭角客家聚落，是以陳氏「穎川堂」為中心向外擴張而形成。其穎川堂屬於二進式(北部稱雙堂屋)「日字型」合院，由於陳氏家族多人科舉榜上有名，成為學風鼎盛的在地著名合院。

【圖說六堆現勢 (7)】

《寧賣祖宗田、莫忘祖宗言》之《毋曉講客》

[Hsuan-Fu Wang編；客話腔頭: 四縣]

[HAKKA]
越係推廣个事物、表示渠這下在消失了。希望「客家」毋好變作形容詞定定，吾等帶等客話同時代共下進步!!

=========================

[Mandarin]
越是提倡的事物、代表其已消逝中。希望「客家」不要變成形容詞而已，讓我們帶著客語朝著時代前進!!

【圖說六堆現勢 (6)】

《寧賣祖宗田、莫忘祖宗言》之《大家共下賣祖產》

[Hsuan-Fu Wang編；客話腔頭: 四縣]

[HAKKA]
客家地區个土地利用有幾下隻特色：
(1) 土地低度開發，故所時常變作財團圈地、不動產業覬覦、政府規劃工業設施(e.g.,科學園區)个地方，造成客家聚落在開發過程裡肚連根拔起消失殆盡。
(2) 台灣落去工商業社會，分作六堆客家村落農業經濟沒落、人口徙走，故所當地土地較欠活用，過在祭祀公業分割摎遺產繼承後，變作子孫變賣个標的。
有鑒以上，客委會應該煞猛提防客家聚落在不動產交易个過程裡肚，因爭非客家族群个徙入，造成客庄人文風貌無忒个結果。

=========================

[Mandarin]
客家地區的土地利用有以下特點：
(1) 土地低度開發，因此常成為財團圈地、不動產業覬覦、政府規劃工業設施(e.g.,科學園區)的地方，造成客家聚落在開發過程連根拔起消失殆盡。
(2) 台灣邁入工商業社會，使得六堆客家村落農業經濟沒落、人口外移，因此在地土地缺乏活用，更在祭祀公業分割和遺產繼承後，成為子孫變賣的標的。
鑒於以上，客委會應積極設法防止客家聚落在不動產交易的過程中，因非客家族群的移入，造成客庄人文風貌盡失的結果。

【圖說六堆現勢 (5)】

《面帕粄》

[Hsuan-Fu Wang編；客話腔頭: 四縣]

[HAKKA]
摎米漿粄切條煮熟再拿來食，北部係「粄條」、六堆喊作「面帕粄」。同麵類(e.g., 牛肉麵)、各種零嗒仔相比較，在六堆街頭巷尾哪位粄仔店都有賣个面帕粄，居然無麼个受到宣傳摎行銷，對這做得看著當地政府對客家文化/飲食个消極態度。淨愛舉辦六堆面帕粄比賽摎投票選拔，相信乜做得變作話題、分大家重視這項當地美食。
六堆面帕粄摎北部粄條相比，渠个用料實在、再過來無在米漿中肚攞太白粉，故所渠个色較白、毋像北部粄條恁透，食起來乜過扎實，品質係最好个。
順勢講著，內埔國小對面「榕樹下」三角店，係藝人陳嘉樺(Ella)乜喜歡个當地名店，有機會定著愛去食看看!!

=========================

[Mandarin]
將米漿粄切條煮熟食用，北部稱「粄條」、六堆則稱之「面帕粄」。相較於麵食(e.g., 牛肉麵)、各式小吃，在六堆街頭巷尾任何飲食店都有販賣的面帕粄，居然鮮少受到宣傳與行銷，由此可見該地政府對於客家文化/飲食的消極態度。只要舉辦六堆面帕粄比賽與投票選拔，相信也能蔚為話題而讓民眾重視這項在地美食。
六堆面帕粄和北部粄條相比，其用料實在、且無於米漿中摻入太白粉，因此顏色呈白色而不像北部粄條如此透明、口感也更扎實，品質屬於上乘。
順帶一提，內埔國小對面「榕樹下」三角店，是藝人陳嘉樺(Ella)也喜歡的在地名店，有機會務必去品嘗!!