客話介話語權

[文/V小編] <四縣>

在這下介媒體，學老話還係較強勢兜，就算盡多後生人平常時都毋曉講學老話，毋過嗄會講幾只學老詞彙同『屙糟話』！像『凍蒜』、『北七』、『林北』、『踹共』、……平常時就講到當自然！

這站仔下把仔會講著介『ㄎㄧㄤ』(頭腦毋清楚介負面意)，定著摎嗯兜客話講介【慶】(kiang)意思完全毋相同!!!
相比較之下，客家介話語權還無ㄌㄚ強，愛慢慢分大家聽著客家詞彙，在平常時譫哆介時節，就算毋曉講客，講國語乜做得當自然用著客話詞彙，漸漸仔『習慣成自然』，客話介能見度正會較闊兜～

STAR WARS(客語介紹)

[文/曾俊鑾]

   作者簡歷：新竹峨眉客家人(四縣腔)

                                           2015年桐花文學獎客語組短篇小說佳作

                                           代表作：桐花戀

(本文經原作者同意後刊登，非經原作者同意不得擅自轉載)

(本文以國、客、英 三語寫作)

        

        願原力與你同在(May the force be with you)，識聽過無？

      「STAR WARS」星際大戰第7部曲將於12月17日再度上映，令許多星戰迷引頸期待。大導演喬治.盧卡斯的星戰系列，在四十年前就上映了，無疑是影史上的曠世經典鉅作，這部片成了整代人的共同回憶，也型塑特殊的星戰文化。很多話題圍繞在這部影片，尤其是裡面的大反派黑武士達斯.維德。

黑武士達斯.維德(安納金)

        前幾日，有朋友在FB PO星際大戰个KUSO影片，裡背就係黑武士摎厥倈仔天行者路克相㓾仔个畫面，在南洋个客家後生人，摎佢用客家話重新配聲，內容變成做阿爸个愛倈仔莫緊囥在間肚看FB搞Game，還一邊相㓾仔，一邊用帶細人仔去看「STAR WARS」來餳佢，毋過，做倈仔个乜當硬頸，手腕分人斬斷咧，還係堅持愛看「葉問三」。

名人名句紹介：近代語言學家----Max Weinreich

Max Weinreich(1894-1969)

        [文/Z小編]
        麥士‧溫瑞奇(Max Weinreich)，立陶宛裔米國籍語言學家，專攻社會語言學&意第緒語

        渠從細受德語、俄語雙語介教育，兩種語言全做得講著盡流轉。
       意第緒語(Yiddish)係一種帶有德語特色介猶太方言。渠雖然毋係猶太人(渠其實算係德裔立陶宛人)，毋過渠對意第緒語介研究當有興趣。渠爸Uriel Weinreich乜係語言學家，寫過一本《現代意(第緒)英、英意字典》。渠自家用意第緒語翻譯 胡羅伊(Sigmund Freud) 介心理學著作

        麥士‧溫瑞奇講過一句盡有名介話：

        "A language is a dialect with an army and navy."

        「(官方)語言」，係有陸軍、海軍支持介一種方言

        仔細想，正實有影。

        哩下華語介拳頭大，客家人係少數，客語斯變作 方言。

        頭擺蘭芳共和國、太平天國時代

        客家話還係「國語」咧！

        客家話介運命，嗚呼哀哉！

{客家情懷 後山山前客家情}

[文/V小編]

        大家大體都知臺灣客家人盡多都來自桃竹苗地區，毋過花東地區(吉安、壽豐、鳳林、瑞穗、玉里、池上、關山)介客家人，其實大部分都係原來桃竹苗地區介客人遷徙過去花東介。花東地區客人喊自家待介所在安到『後山』，桃竹苗老祖地安到『山前』。
        吾介老屋公廳原旦在今下關西鎮東十六張，後山老屋在水尾(瑞穗)廣東庄! 涯盡好奇問阿爸，才知得這段故事介主人公係阿公太哦! 阿公太渠原來係關西客家人，講斬蠻純介關西海陸客話，渠後生時節在關西摎人打零工，聽到當時日本政府公告愛招人過後山去開墾移民村介需求，還正經毋知阿公太渠恁大膽，就自家同朋友赴到後山臺東，報尾在水尾一只安到廣東庄介所在落腳。涯兜共樣第四房這下還待關西的姑婆太安到「黃滿娘」，摎吾公歲數差毋多，係阿公太最細介老妹，所以渠介名安到「滿娘」。以前姑婆太時常摎阿公搞共下，是細人時介搞伴。山前後山親戚之間都係來來去去，阿爸也講，阿公在渠還細時，因為公家業務時常愛「轉山前」，都會順儕轉關西探望山前親戚，還會對北部帶等路、細人搞介東西轉來，阿爸、阿姑渠兜就非常歡喜，所以山前、後山情感介連結毋識斷忒。

(水尾廣東庄老屋)

       

布魯所（註一）可能發生相像柏熙（註二）个襲擊。

翻譯：廖颯汯。

原稿日：十一月廿一日，二〇一五年。

譯稿日：十一月廿二日，二〇一五年。

標希欸警方加強巡查布魯所市中心个重要地區。

　　標希欸總理捎士．米紹（註三）表示，宣佈提升恐怖預警級別，係在知著「一垤相像巴黎形式个襲擊，盡有可能發生」个情報以後，所作出个決定。

　　伊講：「有理由相信，幾垤持有爆炸物同槍銃个人可能同時在幾處發動襲擊。」

　　早息，標希欸政府將首都布魯所个恐攻預警級別對「盡為嚴重」提升到最高級別：「隨時會發生」。

　　當地捷運系統已經全面關閉，並在拜日前毋會重啟。

布魯所捷運將關閉，最少到拜日前毋會營運。

　

【客話 x 微地名】

【客話 x 微地名】

[Hsuan-Fu Wang編；客話腔頭: 四縣]


OS: 頭家~來一碗雞卵麵~~

客話裡肚表示地形、地景个地名，有壢、勢、埔、湖、窩、坑、崎、崗...等等。新竹市十八尖山邊脣有隻公車站牌係「雞蛋面」，用「面」表示客話地名，另外一個較有名係 陳板 《風空主義：金山面社區營造》摎 吳慶杰 《矽谷幽蘭－金山面》裡背介紹个「金山面」。 陳板 先生書項講著「面」係較平个山崎，對關東橋看上去像一隻「金」字，故所名仔安作「金山面」；共樣个安地名道理，大家做得尋尋看，對哪片角度可以看出「雞蛋面」像一隻雞卵个形仔無??

中國經濟放慢，日本盡「受傷」。

翻譯：廖颯汯。

主要使用腔調：台灣南四縣腔、台灣北四縣腔。

譯文日：十一月廿一日，二〇一五年。
原文日：十一月十七日，二〇一五年。

隨等中國經濟增長趨緩，生和勉金屬製造廠這樣个日本企業生理也出現了下跌。

壹、中國經濟增長放緩衝擊日本企業。

　　生和勉在日本安來市有一家金屬製造廠，對於一千多公里外个中國經濟繁榮，做出過自家細細个貢獻。生和勉同十四名員工生產吔機器精加工齒輪、軸承等部件，有蓋多都安裝在大型慫土機吔引擎裡，最尾到欸中國吔施工場地，慫等中國一日千里个建設步伐。

生和勉表示自家生理受著了中國經濟增長放慢吔影響。

伊講：「中國市場定著係在大幅下跌，吾等感受著了。」

　　毋過，隨等中國經濟增長放慢，生和勉个生理這滿在下跌。歸日本經濟也共樣，這拜一公布个數據顯示，日本經濟在衰退。像小松製造，久保田同日立建機這樣个日本設備製造商，在中國个挖掘機同慫土機銷量出現下滑，故所對生和勉這般吔供應商，採買个零件也減少欸。生和勉估算，建築業訂單今年減百分之四十。

　　「中國市場定著係在大幅下滑，吾等感受著了，」伊講。

　　日本比其他任何發達國家都更加需要一切都在正軌上，才得實現經濟增長。伊總人口同勞動力人口緊在縮減。在成本更低个競爭對手壓力下，家電產業等以前當大个行業緊在收縮。三年前，首相安倍晉三因為承諾加遽日本經濟个新陳代謝因此贏得大選。但今下就算取得欸一細息重大吔成功（失業率處於低位，蓋多大公司也實現了創記錄个利存），共樣壞實現增長同收入个廣泛提速。

　　在經濟位在邊緣个情形下，再細挫敗也可能產生重大影響。上季，對前景抱等慎態个公司削減欸對工廠還有設備个投資，讓經濟進入七年中个第五擺衰退。面向中國吔出口劇降，加大活力衰減，引起普遍不安。

打鬥五?打鬥四(敘)?

[文/V小編]

上擺去葉國居先生該片影著介～

閩西客家 「聚餐」安到【打鬥五】

粵東安到【打鬥四(敘)】

四(敘)——>敘情

五(伍)——>相伍(伴)

到底係五抑係四，恁生趣～～

饒平還講「打鬥八」咧！

一張桌（四方桌）八人坐，

可能係打最多介！

還學著一只詞【打平伙】

嗯臺灣客人無團結 無語言自信

[文/V小編]
    吾新莊學老同學朋友當多比涯吾還細， 每儕福老話都『ㄌㄠˋ ㄌㄠˋ 叫』
因為渠兜在屋下、外背街路、市場肚長透講介就係福老話，渠兜全有該種介語言自信～

    嗯哩客庄介外流人口乜當多，後生客在都市大體係國語摎福老兩大語言環境之下恬恬過日仔，都毋團結，自家過自家介，在外背跈人講福老話顛倒試著正常介! 家長根本毋會想教自家細人仔講客(因為渠兜試著在當地用毋著)，故所都市後生客還會講客正經斬滿珍貴!!!顛倒吾這下試著在大客庄底肚有心學講客介細人仔毋算多(毋知麽介原因@@?)

客家人待介屋就係屋

  

[文/ V小編] 
    頭過看著龍潭客庄該片有ㄧ介新竹客運介站牌寫著『徐厝』，在客家徐屋面頭前寫『徐厝』，看了正經會當火大!!!
    
    今晡日涯挑工轉去關西去巡看吶，敢有恁樣高毛介情形無!?轉到吾公廳介時節，堵好影著路旁脣就有一只站牌寫著『黃屋』，涯斯盡歡喜，暢到還愛落去公廳燒香摎阿公婆報告這件事情：『好得渠兜無寫“黃厝”，無嗯兜黃屋人斯會摎渠兜拚命』

        

    涯愛準備上臺北介時節，過影一下『黃屋站牌』斯盡暢囉，下擺涯乜甘願坐新竹客運轉去公廳，盡方便～～

由屈臣氏淺談客家電視台翻譯之怪現象

[文/Z小編]
        相信台灣的客家朋友，對屈臣氏(watsons)這間藥妝行連鎖店並不陌生。但是，你可曾想過，他為什麼叫做「屈」臣氏嗎？
        這個問題在小編大一的時候初次冒出腦海。一天下午，小編在公車站牌前等公車。閒來無事的我，習慣左顧右盼，觀察馬路上人來人往。那天，我抬頭望向馬路的另外一邊。斗大的「屈臣氏」三字映入眼簾。依照華人的習慣，翻譯外來名字，我們多半以音譯為主。我看看Watsons，又看看屈臣氏。氏----很好理解，就是指他姓什麼，比如帕金森氏症。但是「屈臣」二字，臣的音勉強接近，可是屈的音就天差地遠了!!!到底為什麼用「屈」來翻呢？